სასწავლო პროექტი - "ქიმიური ელემენტები ჩემს ირგვლივ"

სასწავლო პროექტი

ქიმიური ელემენტები ჩემს ირგვლივ

პროექტის ხელმძღვანელი - მერი ფარცვანია

პროექტის მოკლე აღწერა: ინფორმაციის მოძიება იმ ქიმიური ელემენტების შესახებ, რომლებიც ხშირადაა გამოყენებული ყოფა–ცხოვრებაში
პროექტის მიზანი: მოსწავლეებში ქიმიის სწავლისადმი დადებითი განწყობის შექმნა, ინტერესის გაღვივება, ჯგუფური მუშაობის, კომუნიკაციის, კვლევის , ანალიზის და შემოქმედებითობის უნარების განვითარება.
პროექტის სრული აღწერა: მოსწავლეები მოიძიებენ მასალებს ინტერნეტიდან,მათ მიერ შერჩეულ ელემენტებზე,რომელიც ყოველდღიურ საქმიანობაში გამოიყენება,ასევე მათი თვისებების შესახებ. გამოიკვლევენ საკუთარ სამზარეულოში, საოჯახო აფთიაქში, საოჯახო მეურნეობაში, ახლომდებარე საწარმოში (მაგ.,საცხობში,სასურსათო მაღაზიაში, სტომატოლოგის კაბინეტში) არსებულ ნივთიერებებს და ქიმიურ მასალებს.შეისწავლიან და გაიგებენ მათი გამოყენების მიზნებს–დანიშნულებას და შენახვის წესებს.
მონაწილეთა ასაკი:16–17 წელი. X-XI კლასები.
ვადები:2019  წლის 1 ნოემბრიდან 20 ნოემბრამდე.
პროექტის შესაძლებელი აქტივობები კლასში : ჯგუფური მუშაობების წარმართვა,დავალებების განაწილება, არჩევით ქიმიური ელემენტების დახასიათება პერიოდულ სისტემაში ადგილმდებარეობის მიხედვით. მასალების მოძიება, ნაერთების თვისებების აღწერა. ინტერნეტის და დამხმარე ლიტერატურის საშუალებით საჭირო ნივთიერებების გამოყენების და შენახვის პირობების შესწავლა, ნიმუშების შეგროვება, სურათების გადაღება და ფოტოალბომის დამზადება,საპრეზენტაციო სლაიდების დამზადება, გამოფენის მოწყობა,პრეზენტაციის გამართვა.
მოსალოდნელი შედეგები: 1 .ზ.გ.ე.მ.(გ).
2.ეროვნული სასწავლო გეგმით მისაღწევი შედეგი–ქიმ.X.1.მოსწავლე იკვლევს ქიმიის როლსადამიანის საქმიანობის სხვადასხვა სფეროში
შედეგი თვალსაჩინოა თუ მოსწავლე:
იკვლევს, მისთვის ნაცნობი კლასების რომელი წარმომადგენლები გამოიყენება ამა თუ იმ სფეროში ,საკვებში, ყოველდღიური მოხმარების საგნებში.
ქიმ. XII.6. მოსწავლე ახასიათებს ორგანულ ნივთიერებებს, მსჯელობს მათი მნიშვნელობის შესახებ.
შედეგი თვალსაჩინოა, თუ მოიპოვებს ინფორმაციას ნაშირწყალბადების სხვადასხვაგვარი გამოყენების შესახებ.მაგ, საწვავად, პოლიმერების წარმოებაში და განსაზღვრავს საზოგადოებასა და გარემოში მათი გამოყენებით გამოწვეულ სარგებლობას და ზიანს.
ამ პროექტთან დაკავშირებით პერიოდულად გაიმართება თითოეული ჯგუფის მუშაობის შედეგების განხილვა,ინფორმაციების გაცვლა,დისკუსიები. შეიქმნება ფოტოალბომი,მოეწყობა შეგროვილი ნიმუშების ( თვალსაჩინოების) გამოფენა, პრეზენტაცია.
მოსწავლეები გაიღრმავებენ ცოდნას ქიმიის როლის და მნიშვნელობის შესახებ ადამიანის საქმიანობაში.გაიაზრებენ ქიმიის შესწავლის აუცილებლობას და შეეცდებიან დაეუფლონ ამ საგანს მეტი სიღრმით. განუვითარდებათ ჯგუფური მუშაობის, კვლევის, ანალიზის, კომუნიკაციის და შემოქმედებითობის უნარები.
სასწავლო პროექტი - ქიმიური ელემენტები ჩემს ირგვლივ

შეფასების სქემა

კატეგორია	კრიტერიუმი	შეფასება	მიღებული  ქულა
მომზადების  ეტაპი	მოუწესრიგებელია.არა  აქვთ  წინასწარ  შედგენილი  გეგმა.	1-3
	მოსამზადებელი  ეტაპი  ქაოსურად  მიმდინარეობს.დამხმარე  საშუალებების  წინასწარი  მოძიების,  ადამიანთა გაფრთხილების  გარეშე.	4-5
	მომზადების  ეტაპი  ძირითადად  დაძლეულია,  თუმცა  ყველა  საჭირო  სამუშაო  არ  არის  ჩატარებული.	6-7
	კარგად  არის  ორგანიზებული,დავალებები  გადანაწილებულია,შედგენილია  სამუშაო  გეგმა,მოძიებულია  ყველა  საჭირო    ლიტერატურა,ტექ. საშუალება,  ინტერნეტიდან  მასალები  და  სხვა.  პრაქტიკული  მუშაობისთვის  საჭირო  პირობები  შექმნილია.
გუნდურ  პროექტში  მოსწავლეთა  მუშაობის  ეტაპი	არ  მიმდინარეობს  მუშაობა.	1-3
	წინასწარ  შედგენილი  გეგმის  მიხედვით  ხორციელდება  სამუშაოები,თუმცა  უმეტესად  ერთი  მოსწავლის  მიერ, გუნდური  მუშაობა  არ ჩანს.	4-5
	სამუშაოებს  მთელი  გგუნდი  ახორციელებს,  მაგრამ  ერთმანეთთან  თანამშრომლობა  და  კოორდინაცია  არ აქვთ.	6-7
	სამუშაოები  ორგანიზებულად  მიმდინარეობს , დავალებებს  ჯგუფის  ყველა  წევრი  ასრულებს  და  ჩანს  მათი  კოორდინირებული  მუშაობა.	8-10
პროექტის  მუშაობის პროცესის  და  შედეგების  წარდგენის  ეტაპი.	ჯგუფს  პროექტის  მუშაობის  შედეგები  არ  აქვს  წარმოდგენილი.	1-3
	მუშაობის  შედეგები  არასრულფასოვნადაა  წარმოდგენილი.	4-5
	მუშაობის  შედეგები  კარგადაა  გაანალიზებული,თუმცა  წარდგენის  სახე  არასრულფასოვანია.	6-7
	მუშაობის  პროცესი  კარგადაა  აღწერილი,სრულფასოვნადაა  შედეგები  წარმოდგენილი. აქვს  საპრეზენტაციო  ფორმა.	8-10
ქულათა  ჯამი
საბოლოო  შეფასება	ქულათა  ჯამი  გაყოფილი  3-ზე.

სარგებელი, რომელსაც ეს  პროექტი სხვებს მოუტანს: მოსწავლეები შეეცდებიან როგორც თანატოოლებს, ასევე უფროსებს, გააცნონ ქიმიის როლი ადამიანის საქმიანობაში, დაარწმუნონ ისინი ამ საგნის ცოდნის აუცილებლობაში, რათა სწორად დაიცვან ამა თუ იმ ნივთიერების გამოყენების და შენახვის წესები,თუნდაც საოჯახო პირობებში.

საგნებთან კავშირი: ბიოლოგია–მცენარეთა დაცვის საშუალებების, სასუქების გამოყენება.
ფიზიკა–ზოგიერთი ნივთიერების,მაგ, მეტალების , ან ხსნარების ელ–გამტარობა და სხვა.
მათემატიკა–ამა თუ იმ ნივთიერების გარკვ. კონცენტრაციის ხსნარების შედგენილობა.
ქართული– საკუთარი ნაწერის კორექტირება.
ინფორმატიკა–ინფორმაციულ–ტექნიკური საშუალებების გამოყენება: მასალების მოძიება, სლაიდების დამზადება.